---
title: "നാദാപുരം  ചോദിക്കുന്നു 'പുലിയെവിടെ...?' ; മൂന്ന് ദിവസമായി അടഞ്ഞുകിടന്ന്  സ്കൂളുകളും മദ്രസകളും, ആശങ്ക മാറാതെ ജനം"
english_title: " Leopard Not Found 4 Days Kummangode Nadapuram Panic School Closed"
publisher: "panoornews.in"
canonical_url: "https://panoor.truevisionnews.com/news/384114/ leopard-not-found-kummangode-nadapuram-panic-4-days"
published_at: "2026-09-25T10:18:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab5ffa32658b_leopard-not-found-kummangode-nadapuram-panic-4-days.jpg"
keywords: ["Leopard Nadapuram", "Kummangode", "Forest Department", "Kuttiady Forester", "Fake News AI", "School Closed"]
---

# നാദാപുരം  ചോദിക്കുന്നു 'പുലിയെവിടെ...?' ; മൂന്ന് ദിവസമായി അടഞ്ഞുകിടന്ന്  സ്കൂളുകളും മദ്രസകളും, ആശങ്ക മാറാതെ ജനം

> **Lead Summary:** നാദാപുരം: പുലിയെ കണ്ടെത്താതെ നാല് ദിവസം, കുമ്മങ്കോട്ടിൽ ജനങ്ങൾ ആശങ്കയിൽ. ആളുകളെ ആക്രമിച്ചതായും മൊബൈൽ ഫോണിൽ യുവാവ് പകർത്തിയ വീഡിയോ ദൃശ്യങ്ങളും സിസിടിവി ദൃശ്യങ്ങളും ഉൾപ്പെടെ തെളിവുകളുണ്ടായിട്ടും നാല് ദിവസമായും പുലിയെ കണ്ടെത്താനാകാത്തതിനെ തുടർന്ന് നാദാപുരം കുമ്മങ്കോട്ടിൽ ജനങ്ങൾ ആശങ്കയിൽ. ബുധനാഴ്ച പുലിയെ പിടികൂടുന്നതിനായി വനംവകുപ്പ് ഇരുമ്പുകൂട് സ്ഥാപിച്ചെങ്കിലും ഇതുവരെ പുലിയെ ലഭിച്ചിട്ടില്ല. പുലിയുടെ സാന്നിധ്യം സംബന്ധിച്ച ആശങ്കയെ തുടർന്ന് മൂന്ന് ദിവസമായി കുമ്മങ്കോട് എൽ.പി. സ്കൂളുകളും മദ്രസകളും അടഞ്ഞുകിടക്കുകയാണ്.

## Article Content

നാദാപുരം: പുലിയെ കണ്ടെത്താതെ നാല് ദിവസം, കുമ്മങ്കോട്ടിൽ ജനങ്ങൾ ആശങ്കയിൽ. ആളുകളെ ആക്രമിച്ചതായും മൊബൈൽ ഫോണിൽ യുവാവ് പകർത്തിയ വീഡിയോ ദൃശ്യങ്ങളും സിസിടിവി ദൃശ്യങ്ങളും ഉൾപ്പെടെ തെളിവുകളുണ്ടായിട്ടും നാല് ദിവസമായും പുലിയെ കണ്ടെത്താനാകാത്തതിനെ തുടർന്ന് നാദാപുരം കുമ്മങ്കോട്ടിൽ ജനങ്ങൾ ആശങ്കയിൽ. ബുധനാഴ്ച പുലിയെ പിടികൂടുന്നതിനായി വനംവകുപ്പ് ഇരുമ്പുകൂട് സ്ഥാപിച്ചെങ്കിലും ഇതുവരെ പുലിയെ ലഭിച്ചിട്ടില്ല. പുലിയുടെ സാന്നിധ്യം സംബന്ധിച്ച ആശങ്കയെ തുടർന്ന് മൂന്ന് ദിവസമായി കുമ്മങ്കോട് എൽ.പി. സ്കൂളുകളും മദ്രസകളും അടഞ്ഞുകിടക്കുകയാണ്.

കുട്ടികൾക്ക് ക്ലാസ് നഷ്ടപ്പെടുന്നതിൽ രക്ഷിതാക്കൾ ആശങ്കയിലാണ്. അതേസമയം, പ്രദേശത്ത് പുലിയുടെ സാന്നിധ്യം സ്ഥിരീകരിച്ചിട്ടും ജനങ്ങളുടെ ഭാഗത്തുനിന്ന് ആവശ്യമായ ജാഗ്രത ഉണ്ടാകുന്നില്ലെന്ന വിമർശനവും ഉയരുന്നുണ്ട്.

കുറ്റ്യാടി ഫോറസ്റ്റർ പ്രശാന്തിന്റെ നേതൃത്വത്തിൽ വനംവകുപ്പിന്റെ ദ്രുതകർമ സേനയും വനപാലകരും പ്രദേശത്ത് ക്യാമ്പ് ചെയ്യുന്നുണ്ട്. പുലിയെ കണ്ടെത്തുന്നതിനും പിടികൂടുന്നതിനുമുള്ള നടപടികൾ തുടരുകയാണ്.

കഴിഞ്ഞദിവസം രാത്രിയിൽ ചെക്യാട് പഞ്ചായത്തിലെ തൈക്കണ്ടിയിൽ മുക്കിലും പുലിയിറങ്ങിയെന്ന പ്രചാരണം പ്രദേശവാസികളെ ഭീതിയിലാക്കിയിരുന്നു. സൈക്കിളിൽ പോകുന്നതിനിടെ പുലിയെ കണ്ടതായി ഒരു സ്കൂൾ വിദ്യാർഥി പറഞ്ഞതായും റിപ്പോർട്ടുണ്ട്. ഇതിന് പിന്നാലെ നാദാപുരം രണ്ടാം വാർഡിൽ ഇയ്യങ്കോട് പുഴയോട് ചേർന്ന് വീടിന് സമീപം പുലിയുടെ സാന്നിധ്യം സംശയിക്കുന്നതായി നാട്ടുകാർ അറിയിച്ചു.

തുടർന്ന് നൂറുകണക്കിന് പേരാണ് പ്രദേശത്ത് തിരച്ചിലിനിറങ്ങിയത്. വനംവകുപ്പ് ഉദ്യോഗസ്ഥരും സ്ഥലത്തെത്തി. ഇതിനിടെ എ.ഐ. നിർമിത ദൃശ്യങ്ങൾ ഉൾപ്പെടെ സോഷ്യൽ മീഡിയയിൽ വ്യാജ പ്രചാരണങ്ങളും നടക്കുന്നുണ്ട്. ബുധനാഴ്ച രാത്രി പുലിയിറങ്ങിയെന്ന തരത്തിൽ പ്രചരിച്ച വിവരങ്ങളും ജനങ്ങളിൽ ഭീതി സൃഷ്ടിച്ചിരുന്നു.

വ്യാജ പ്രചാരണങ്ങൾക്കെതിരെ കർശന നടപടി സ്വീകരിക്കുമെന്ന് നാദാപുരം ഡിവൈഎസ്പി പി.എം. മനോജ് പറഞ്ഞു. അതേസമയം, പുലിയെ കണ്ടെത്താത്ത സാഹചര്യത്തിൽ പ്രദേശത്തെ ജനങ്ങൾ ആശങ്ക തുടരുകയാണ്. സ്കൂളുകളും മദ്രസകളും മൂന്ന് ദിവസമായി അടഞ്ഞുകിടക്കുന്നതിനാൽ കുട്ടികളുടെ പഠനവും ബാധിക്കപ്പെടുന്നതിൽ രക്ഷിതാക്കൾ ആശങ്ക പ്രകടിപ്പിക്കുന്നു.

English Summary: Panic continues in Kummangode, Nadapuram as leopard not found even after 4 days despite mobile video, CCTV visuals and attack reports. Forest dept installed iron cage on Wednesday but no catch yet. LP schools and madrasas in Kummangode closed for 3 days affecting students. Kuttiady Forester Prashanth led rapid response team camping in area. Rumours of leopard at Thaikandiyil Mukku in Chekyad panchayat and near Iyyankode river in Nadapuram 2nd ward triggered mass searches. Police say fake news including AI-generated visuals spreading on social media, DySP PM Manoj warns of strict action.

### Related Links & Sources
- [Original Story Source](https://panoor.truevisionnews.com/news/384114/ leopard-not-found-kummangode-nadapuram-panic-4-days)